Flokkur: Æskulýðsdagurinn

Hjartansmál:

Við erum gjörn á að merkja hvort annað og það gerum við með orðum og gjörðum. Það er mikilvægt að við reynum að einbeita okkur frekar að hinu jákvæða í fari hvors annars og næsti leikur er æfing í því.

Það sem þarf:
Blöð, límband, blýantar.

Framkvæmd:
Blöð eru fest aftan á alla þátttakendur. Allir eiga að skrifa eitthvað fallegt á bakið hver á öðrum. Best er að allir skrif bara einu sinni á bak allra til að allir fái jafn mikið á sinn miða.

Sítrónur, ó sítrónur:

Á miðju gólfi eru tvær mislitar ruslafötur. Þátttakendur bíða frammi (utan leiksvæðis) á meðan sítrónum er dreift um allan sal. Á 15 sekúndna fresti er gefið merki, þá sendir hvort lið einn þátttakenda inn í einu inn á leiksvæðið. Þátttakandinn á að ganga eins og kónguló (magi upp og gengur á höndum og fótum). Kóngulóin á að leita að sítrónum og flytja þær á maganum í eigin ruslafötu. Þegar síðasti þátttakandinn hefur verið sendur inn eru aðeins 30 sekúndur eftir af leiknum!

Þessir leikir passa vel við þessa samveru.

1. Zip Zap
   Þátttakendur standa í hring. Þau láta Zip hljóð ganga til næsta manns með því að segja Zip og benda á næsta mann. Hægt er að breyta stefnu hljóðsins á tvennan hátt. Annars vegar ef sá sem fær Zip, hoppar upp og æpir af lífs- og sálarkröftum DOJJJJONG, þá fer Zip aftur til baka á þann sem sendi það og heldur áfram hinn hringinn.
   Önnur leið er að segja Zap og benda á hvern sem er inni í hringnum. Þá á sá sem fær Zap að halda áfram að senda Zip til næsta manns eða senda annað Zap, eða svara með DOJJJNG. ATH: Gaman er að spila þennan leik mjög hratt.

2. Koddaleikur: Látið krakkana sitja á gólfinu í hring. Númerið þau 1 og 2 allan hringinn þannig að annar hver unglingur sé númer 2 og hinn númer 1. Látið einn krakka sem er númer eitt hafa kodda eða púða og annan sem er númer tvö og situr beint á móti á að hafa annan kodda. Markmiðið er svo að kasta púðanum réttsælis til næsta manns sem er með sama númer og reyna að ná hinu liðinu og koma púðanum sínum fram úr púða hins liðsins. Púðinn verður þó alltaf að fara til næsta manns sem er með sama númer. Það er bannað að sleppa úr.

3. Númeraleikurinn, skrifið númer á litla miða, mega vera upp í 50 þess vegna. Setjið þrautir aftaná númerin. Dreyfið miðunum um kirkjuna og safnaðarheimilið. Hafið teninga á borði. Skiptið hópnum í lið, 3-6 í liði. Liðin koma svo og kasta teningi og eiga svo að leita að miða með þessu númeri, svo leysa þau þrautina sem er aftaná og koma svo aftur og kasta teningunum, þau bæta svo þessari tölu við töluna sem þau fengu áður. Gott er að láta þau hafa blað og blýant til þess að þau geti skrifað niður á hvaða númer þau voru komin. Á nokkrum númerum getur verið skipun um að færa sig aftur á lægra númer. Notið hugmyndaflugið við að búa til þrautirnar.

Dæmi: Syngið Jesús er besti vinur barnanna að næsta númeri. Haldið í eyrun á hvort öðru að næsta númeri. Teljið gluggana í húsinu. Hvað eru mörg skópör í ganginum. Syngjið Gamla Nóa fyrir leiðtogann. Hlaupið á vegg.

Nánar: SMELLIÐ HÉR!

Það sem þarf:

Útprentuð lógóblöð (sjá viðhengið neðst á síðunni pdf með lógóum).
Auð blöð til að skrifa niður svör.

Hér er hópnum skipt í lið og hvert lið á að finna réttu svörin (æskileg hópastærð 3-6). Hvert lið tilnefnir ritara.

Leikurinn gengur út á að svara spurningunni: Hvaða lógó er þetta? Það lið vinnur sem nær að skrifa niður flest (rétt) lógó.

Þátttakendur byrja á sinni stöð (best að hafa hvert lið í kringum eitt borð). Á hverri stöð er eitt svarblað (autt) og skriffæri.

Í miðju rýminu er borð (passa upp á að vegalengd sé jöfn fyrir öll liðin) og á því borði liggja útprentuðu lógóblöðin á hvolfi.

Þegar öllu hefur verið stillt upp og liðin eru tilbúin, blæs leiðtoginn til leiks. Leiðtoginn er jafnframt dómari og tímavörður. Við mælum með að leikurinn nái yfir 5-10 mínútur, þótt ekki hafi öll lógóin verið notuð.

Leikurinn gengur síðan út á einn úr hverju liði (skiptast á hver það er) hleypur að lógóborðinu, nær í eitt blað og hleypur með það aftur á sína stöð þar sem liðið hjálpast að við að þekkja hvaða lógó er um að ræða og skrifa það á úrlausnarblaðið. Lógóblaðinu er síðan skilað og næsta sótt, og svo framveigis. Ef þau vita ekki hvað eitthvert lógó er, má skila því blaði og sækja nýtt.

Frekari útfærsla:

Fyrir þau sem vilja flækja leikinn og fá meira líf í rýmið er hægt að fara þessar leiðir:

1.Ef hópurinn er mjög virkur og elskar að hafa þrautirnar erfiðari þá er hægt að bæta meiri hreyfingu í þetta með því að hengja hvert logó á hvolf hátt uppi á vegg þannig að hópurinn þurfi að hlaupa eða hoppa til að ná blaðinu.

2. Ennþá erfiðara er að vera með trampólín og hengja blöðin svo hátt að þátttakendur þurfi að hoppa á trampólíninu til að komast að miðunum. Hér þarf að passa upp á að virða reglur um að t.d. einn í einu sé á trampólíninu. Passa líka á að nota lím/kennaratyggjó sem skemmir ekki vegginn.